Pas më shumë se dy muaj grevë urie ka vdekur në Kubë i burgosuri politik i njohur Orlando Zapata në moshën 42-vjeçare.
Aktivisti për të drejtat e njeriut, sipas të dhënave të një bashkëdemonstruesi të tij, u dënua në vitin 2003 me 18 vjet burg, për shkak të së ashtuquajturës prishje të rendit publik.
Me grevën e urisë Zapata ka dashur të protestojë kundër kushteve të burgut, deklaroi komisioni kuban për të drejtat e njeriut dhe pajtim kombëtar.
Anëtari i grupit opozitar "Alternativa republikane", javën e kaluar, për shkak të gjendjes së tij të rëndë shëndetësore, ishte sjellë nga një burg në Camaguey në brendësi të vendit në një spital në Havana. /DW/